دارالعلوم محی الاسلام صدیقیہ پنڈوڑہ، تحصیل کلر سیداں، ضلع راولپنڈی کے علمی افق پر آج مسرت، افتخار اور شادمانی کی ایک تابناک کرن جلوہ گر ہے۔ اللہ رب العزت کے فضلِ عمیم، کرمِ مسلسل اور خصوصی عنایت سے ادارۂ ہٰذا کے فاضل، محنتی اور باصلاحیت طلبہ بلال مصطفیٰ اور سرمد خالد نے دارالعلوم محمدیہ غوثیہ بھیرہ شریف کے سالانہ امتحانات میں نمایاں کامیابی حاصل کرتے ہوئے بالترتیب اوّل اور سوم پوزیشن اپنے نام کی، جس سے نہ صرف اپنے اساتذۂ کرام اور والدینِ محترمین کی آرزوؤں کو جِلا بخشی بلکہ دارالعلوم محی الاسلام صدیقیہ پنڈوڑہ کے علمی وقار اور تعلیمی تشخص میں بھی گراں قدر اضافہ کیا۔

اس روح پرور اور فرحت افزا موقع پر ہم نہایت ادب و احترام کے ساتھ سرپرستِ اعلیٰ حضرت خلیفہ حاجی محمد شریف نقشبندی صاحب دامت برکاتہم، محترم پرنسپل محمد ثاقب شریف الازہری صاحب، جملہ اساتذۂ کرام، طلبۂ عزیز اور والدینِ گرامی کو ہدیۂ تبریک و تہنیت پیش کرتے ہیں۔